• IES Chan do Monte
• Páxina de inicio
• Descrición do centro
• Datos de contacto
• Programación anual
• Instalacións
• Software Libre
• Oferta formativa
• A nosa oferta
• E.S.O.
• Bacharelatos
• Ciclos Medios
• Ciclos Superiores
• Oferta modular
• E.P.A.
• Garantía Social
• Inscrición e Matrícula
• Validacións
• Taboleiros
• Principal
• Dirección
• Xefatura de estudios
• Actividades
• Secretaría
• Boletíns Oficiais
• Servizos Informáticos
• Cursos formación
• Orientación
• Profesores
• Proxectos europeos
• FCT
• Alumnado
• Bolsa de traballo
• Actividades
• Equipo humano
• Departamentos
• Horarios e titorías
• Alumnos
• Taboleiro con novas
• Taboleiros dos cursos
• Páxinas Web
• Bolsa de traballo
• A.N.P.A.
• Biblioteca
• F.C.T.
• Orientación
• Proxectos europeos
• Servizos internos
• Calendario
• Enlaces
• O tempo
• Correo Xunta
• Diccionario galego
• Traducíndote
• Diccionario castelán

Programas de Garantía Social

• Os P.G.S. na L.O.G.S.E.
• Definición.
• Obxectivos.
• Características.
• Destinatarios.
• Estructura.
• Modalidades.
• A oferta do noso Centro.

Os programas de garantía social na LOXSE

A Lei orgánica 1/1990, do 3 de outubro, de ordenación xeral do sistema educativo, establece no seu artigo 23, puntos 2 e 3, que para o alumnado que non alcance os obxectivos da educación secundaria obrigatoria se organizarán programas específicos de garantía social, con fin de lles proporcionar unha formación básica e profesional que lles permita incorporarse á vida activa ou prosegui-los seus estudios nas distintas ensinanzas reguladas nesta lei e, especialmente, na formación profesional específica de grao medio. Asemade, establece que as administracións educativas garantirán unha oferta suficiente dos programas específicos a que se refire o apartado anterior.

Subir voltar

 

Definición

Os Programas de Garantía Social:

• Constitúen unha opción dentro da oferta educativa para aqueles alumnos que non poidan, por algunha circunstancia, conseguir o título de Graduado en Educación Secundaria.

Se caracterizan por:

• Son programas de formación para xóvenes sen cualificación profesional, destinados a mellora-la súa formación xeral e a capacitarlles para realizar determinados oficios, traballos e perfís profesionais.

• Proporcionan unha formación básica e profesional que lle permite incorporarse á vida activa ou proseguir estudios na F.P de grao medio.

• A superación dun programa de garantía social permitiralle ó alumnado presentarse á proba de acceso ós ciclos formativos de grao medio con 17 anos en lugar de 18.

• Non se obtén unha titulación, senón un certificado acreditativo no que constarán as áreas e os contidos que se cursaron, así como as cualificacións obtidas e o número de horas dedicadas a cada unha delas.

• Son de duración variable, entre 800 e 1000 horas, dependendo da modalidade. En todo caso desenvolveranse nun curso académico.

Subir voltar

 

Obxectivos

Os obxectivos son:

• Desenvolver e afianza-la madurez persoal mediante a adquisición de hábitos e capacidades que lles permitan participar como persoas responsables nun traballo e na actividade social e cultural.

• Desenvolve-las actitudes e dotalos de recursos e da orientación necesarios para a busca dun posto de traballo e /ou para o autoemprego.

• Amplia-la súa formación co obxecto de adquirir coñecementos e capacidades propios do ensino básico.

Subir voltar

Características

Características dos Programas de Garantía Social:

• É unha oferta específica prevista con criterios de compensación educativa e equilibradora.

• Están abertos á participación doutras Administracións e Institucións públicas e privadas.

• Teñen un enfoque escolar que permite vivi-la experiencia formativa como unha oportunidade diferente.

• Posúen unha compoñente de formación profesional que prepara os alumnos e alumnas para desempeñar un ou varios postos de traballo afíns.

• Teñen unha estructura e unha regulación que facilitan os contactos cara o primeiro emprego.

• Teñen un alto grao de flexibilidade interna, que permite modalidades distintas adaptadas ás diferentes características e expectativas do alumnado.

Subir voltar

 

Destinatarios

Persoas menores de 21 anos que, polo menos, cumpran 16 anos no ano natural no que inicien o programa e se atopen nalgunha das seguintes condicións:

• Estaren escolarizadas no segundo ciclo da Educación Secundaria Obrigatoria e, tendo accedido a un programa de diversificación curricular, a xuízo do equipo educativo que os atende, non estar en condicións de acada-los obxectivos da etapa por esa vía. Excepcionalmente, tamén poderá accede-lo alumnado ó que non lle fora posible cursar un programa de diversificación curricular e se atope, a xuízo do equipo educativo, en grave risco de abandono escolar.

• Estaren desescolarizadas e non posuír titulación académica superior á do Graduado Escolar ou que, tendo acadada esa titulación, carezan do título de Formación Profesional de primeiro grao.

Subir voltar

 

Estructura dos PGS

Con carácter xeral o programa completará as seguintes áreas ou ámbitos de actuación:

• Área de formación profesional específica.
• Área de formación e orientación laboral.
• Área de formación básica.
• Actividades complementarias.
• Titoría.

Nestes programas está contemplada a realización dunha fase práctica nos centros de traballo relacionados co perfil profesional do programa.

Subir voltar

 

Modalidades ofertadas

Programas de Formación Educativa e Profesional: desenvolveranse integramente nun centro educativo. no que se impartan ensinanzas de formación profesional, ensinanzas de educación secundaria, ensinanzas artísticas, en centros de educación de adultos ou en centros de educación especial.

Programas de Iniciación Profesional: nos que a área de formación básica se desenvolve nun centro educativo dos indicados no apartado anterior e a de formación profesional específica (formación tecnolóxico-práctica) en colaboración con outras entidades da Administración local, institucións públicas ou privadas sen ánimo de lucro ou en empresas coas que previamente a Consellería de Educación e Ordenación Universitaria establecera convenios para o desenvolvemento de programas de garantía social.

Programas que se desenvolverán na súa totalidade en entidades de administración local e institucións públicas ou privadas sen ánimo de lucro.

Subir voltar

 

A oferta do noso centro

O I.E.S. Chan do Monte propón once programas de iniciación profesional nos que a área de Formación Básica se desenvolve no centro educativo e a de Formación Profesional Específica (formación Tecnolóxico-práctica) en colaboración con empresas coas que previamente o Centro estableceu o correspondente convenio.

Os perfís ofertados polo noso instituto son os seguintes:

• Auxiliar de electrónica.
• Auxiliar de florerería.
• Dependente de comercio.
• Operario de cociña e restauración.
• Axudante de repostería e pastelería.
• Operario de panadería.
• Axudante de servicios de restaurante e bar.
• Auxiliar de estética.
• Axudante de operaciónsde carrozaría de vehículo.
• Axudante de reparación e mantemento de maquinaria agrícola.
• Operario de industrias conserveiras e semiconserveiras de marisco e peixe.

Para máis información consulta-la páxina:

http://www.ieschandomonte.edu.es/gs.htm

Subir voltar